Batería Virtual Solar para comunidades de propietarios

A Batería Virtual Solar permíteche rendibilizar ao máximo a instalación solar da túa comunidade ao converter a enerxía que producen as túas placas solares, e que non utilizas, en máis aforro na túa factura.

Funciona como un moedeiro virtual co que acumulas saldo en euros pola enerxía producida que non consumiches e que non pode ser compensada na factura debido ao límite imposto pola lexislación vixente. Deste xeito, podes achegar a factura de enerxía a 0 €.

Ademais, podes usar o saldo acumulado na túa batería virtual solar en calquera das facturas de enerxía que a túa comunidade teña en Naturgy; ou, se tes autoconsumo compartido, cada veciño pode ter a súa propia  batería virtual solar e acumular saldo para descontalo das facturas dos puntos de subministración que teña.  En calquera dos dous casos,  podes decidir o importe que queres aplicar. E todo isto, dende a túa Área Clientes, de forma doada e áxil.

Dende a Área Clientes, accedendo á sección de Batería Virtual, tamén poderás consultar o saldo dispoñible e os teus movementos, e cambiar o modo de xestión do saldo.

Para gozar do servizo de batería virtual para comunidades, cómpre contares con:

• Unha tarifa de luz para comunidades de propietarios contratada con Naturgy (ten en conta que a tarifa plana e os plans con cota fixa non son compatibles con autoconsumo). Se dispós dunha tarifa non compatible, podes solicitar un cambio á Tarifa Solar ou á Tarifa por Uso.
• Placas solares legalizadas na comunidade.
• A modalidade de autoconsumo con compensación de excedentes para comunidades de veciños activada.

Nas facturas de luz da batería virtual para comunidades de veciños, sempre verás os prezos do termo de potencia e do termo de enerxía sen impostos. No caso da luz, aplícanse as seguintes medidas para mitigar a escalada de prezos, que se reflectirán na túa factura:

• Imposto especial sobre electricidade (IEE) reducido ao 0,5 % (antes 5,11 %) ata o 31/12/2023.
• Aplicación do IVE reducido do 5 % (antes 10 %) para potencias contratadas ≤10 kW ata o 31/12/2023.

Segundo a regulación de excedentes (RD 244/2019), os excedentes non poderán superar o importe do consumo de enerxía vertida á rede. Se fosen superiores, na factura aplicarase a regularización correspondente.

Na factura da subministración onde estea contratada a Batería Virtual para comunidades de propietarios, visualizarás a cota mensual do servizo. Ademais, cando haxa saldo dispoñible na Batería Virtual para comunidades, este importe a favor aplicarase ás facturas, segundo as condicións descritas no funcionamento do servizo.

En Naturgy, buscamos ofrecer a máxima transparencia na contratación das nosas baterías virtuais para comunidades de veciños. Os custos por desvíos son aqueles relacionados cos custos adicionais xerados cando a demanda real de enerxía non coincide coa cantidade de enerxía almacenada na Batería Virtual para comunidades de propietarios. Estes custos poden derivarse de erros na previsión ou cambios repentinos na demanda.

Non, dende Naturgy xestionamos o cambio de compañía e a implantación da Batería Virtual para comunidades de forma dixital, para que non teñas que preocuparte por nada.

Non, non ten! Coas nosas baterías virtuais para comunidades de propietarios, podes utilizar o teu saldo ata 5 anos despois de xerar a enerxía.