A Inspección Periódica (IP) de gas é unha inspección obrigatoria por lei, responsabilidade das distribuidoras de gas, que se realiza cada 5 anos de acordo co Regulamento de inspeccións térmicas de edificios e a túa distribuidora avisarate cando che toque. Serve para comprobar que a instalación cumpre os requisitos técnicos e as condicións regulamentarias de seguridade. Esta inspección tense que facer sempre, aínda que teñas contratado un servizo de mantemento con visita preventiva anual.

Hai dúas Inspeccións Periódicas obrigatorias: a da IRI (Instalación Receptora Individual) e a da IRC (Instalación Receptora Común).

• A inspección periódica da IRI inclúe a revisión da instalación no domicilio e require unha visita, mentres que a da IRC só require unha visita nas zonas comúns do edificio para revisar a instalación de gas que pasa por elas. Non sempre se fan á vez e recibirás aviso por ambas as dúas, aínda que na segunda non participes directamente. No caso das casas unifamiliares só hai IRC (non hai IRI).
• Se tes contratado connosco o servizo de mantemento Servigas, con visita preventiva anual , incluiremos a IP da instalación da túa vivenda (a IRI) na revisión anual do ano que che corresponda sen custo adicional, a condición de que na túa dirección teñas un contrato de gas activo con Naturgy, para que non teñas que preocuparche por nada.
• Se non tes contratado o mantemento preventivo connosco, a túa distribuidora é a responsable da IP, pero ti podes escoller con quen facela mentres sexa cun instalador de gas homologado. A distribuidora ten uns prezos fixados pola administración, mentres que se a fas cun instalador o prezo será o que pactedes; unha vez teña feita a IP, el comunicará o resultado á distribuidora. Non obstante, lembra que a distribuidora sempre che cobrará un importe mínimo de gastos de xestión de IP por estes trámites a través da túa factura de gas. Para calquera necesidade que teñas en relación á IP (citas, prezos etc.), ponte en contacto coa túa distribuidora de gas xa que eles son os responsables de realizala.

Finalmente, cando a túa distribuidora leve a cabo a IP da instalación da túa comunidade (IRC), repartirá o custo entre todos os veciños que teñades gas e cobraracho a través da túa factura de gas.